మనమా: అరద్‌ కోస్ట్‌ దగ్గర లభ్యమైన మృతదేహాన్ని గుర్తించారు. బహ్రెయినీ కోస్ట్‌ గార్డ్స్‌ ఈ మృతదేహాన్ని తొలుత గుర్తించారు. చనిపోయిన వ్యక్తిని 28 ఏళ్ళ ఆసియా వాసిగా గుర్తించినట్లు అధికారులు తెలిపారు. సముద్రంలో ఈ వ్యక్తి గల్లంతయినట్లు తెలుస్తోంది. ఆసియా జాతీయుడైన సోసాయ్‌ ఆథియాగు కిర్విన్‌ పాల్‌ జెరోమ్‌గా మృతుడ్ని నిర్ధారించారు. ముహర్రాక్‌ ఫిషింగ్‌ హార్బర్‌ - అరద్‌ కోస్ట్‌ వద్ద మృతదేహం లభ్యమయినట్లు ఇప్పటికే మినిస్ట్రీ ట్విట్టర్‌ ద్వారా ప్రకటించిన సంగతి తెల్సిందే. సాసోయ్‌ మృతికి గల కారణాలపై విచారణ జరుగుతోంది. లీగల్‌ పార్మాలిటీస్‌ పూర్తయ్యాక మృతదేహాన్ని మృతుడి స్వదేశానికి పంపనున్నారు.