అల్ ఐన్: ఎమిరేట్స్‌లో కేరళకు చెందిన సుజా సింగ్ అనే నర్సు ఆత్మహత్య చేసుకున్నది. అల్ ఐన్ హాస్పిటల్ బిల్డింగ్ మీద నుంచి కింద దూకి ఆమె ప్రాణాలు విడిచినట్లు పోలీసులు తెలిపారు. 40 ఏళ్లు దాటిన ఆమెకు ఇద్దరు పిల్లలు ఉన్నారు. వాళ్లు విదేశాల్లో చదువుకుంటున్నారు. ఈ ఏడాది జనవరి నుంచి ఆమె అల్ ఐన్ హాస్పిటల్ లో హెడ్ నర్స్‌గా పనిచేస్తున్నది. సుజా ఆత్మహత్య చేసుకోవడంతో హాస్పిటల్ వర్గాలు షాక్‌కు గురయ్యాయి. హాస్పిటల్ ఉద్యోగులతో ఆమె మంచిగానే ఉండేదని అధికారులు చెప్పారు. సుజా సింగ్ కొన్నాళ్ల క్రితం తన భర్త నుంచి విడాకులు తీసుకున్నది. అయితే పిల్లలుకు తల్లి ఆత్మహత్యకు గురించి హాస్పిటల్ వర్గాలు తెలియజేశాయి. కానీ తల్లి మృతదేహాన్ని తీసుకువెళ్లేందుకు పిల్లలు నిరాకరించినట్లు పోలీసులు చెప్పారు. దీంతో హాస్పిటల్ వర్గాలు సుజా సింగ్ మృతదేహానికి ఎమిరేట్స్‌లోనే అంత్యక్రియలు నిర్వహించేందుకు ఏర్పాట్లు చేస్తున్నారు.