ఎమిరేట్స్‌ ఎయిర్‌లైన్స్‌ అరబిక్‌ వెర్షన్‌తో కూడిన మొబైల్‌ సైట్‌ని లాంఛ్‌ చేసింది. ఇందులో మిడిల్‌ ఈస్ట్‌ మరియు నార్త్‌ ఆఫ్రికాకి చెందిన ప్రయాణీకులు ఆన్‌లైన్‌లో టిక్కెట్లు బుక్‌ చేసుకోవడానికీ, ఆన్‌లైన్‌లో చెక్‌ ఇన్‌ అవడానికీ, అలాగే ప్రయాణాల్ని మార్చుకోవడానికి లేదా అప్‌గ్రేడ్‌ చేసుకోవడానికి, బోర్డింగ్‌ పాస్‌ పొందేందుకు వీలుగా ఈ కొత్త వెర్షన్‌ని అందుబాటులోకి తీసుకొచ్చారు. స్మార్ట్‌ ఫోన్‌ వినియోగదారుల కోసం ఈ మేరకు ఓ యాప్‌ని కూడా రూపొందించారు. మిడిల్‌ ఈస్ట్‌, నార్త్‌ ఆఫ్రికాల్లో స్మార్ట్‌ ఫోన్‌ వినియోగం పెరిగినందున, అందుబాటులోకి వచ్చిన టెక్నాలజీని వినియోగించుకుని, ప్రయాణీకులకు మెరుగైన సౌకర్యాలు కల్పించడానికే సాంకేతికను వినియోగించుకుంటున్నట్లు కమర్షియల్‌ ఆపరేషన్స్‌ సెంటర్‌ ఫర్‌ ఎమిరేట్స్‌ డివిజనల్‌ సీనియర్‌ వైస్‌ ప్రెసిడెంట్‌ షేక్‌ మాజిద్‌ అల్‌ ముల్లా చెప్పారు.