మస్కట్‌: ఓ వ్యక్తిని మోసం చేసి 7000 డాలర్లు దోచేసిన మహిళను అరెస్ట్‌ చేసినట్లు రాయల్‌ ఒమన్‌ పోలీసులు వెల్లడించారు. బాధితుడికీ, నిందితురాలికీ సోషల్‌ మీడియా ద్వారా పరిచయమయ్యిందని పేర్కొన్న పోలీసులు, పెళ్ళి చేసుకుంటానంటూ బాధితుడ్ని, నిందితురాలు ఒప్పించిందని వివరించారు. ఈ క్రమంలో వ్యాపార నిమిత్తం 7,000 ఒమన్‌ రియాల్స్‌ని నిందితురాలు, బాధితుడి నుంచి గుంజుకుందని చెప్పారు పోలీసులు. మరో కేసులో, కారు అద్దాల్ని పగలగొట్టి, 8,000 ఒమన్‌ రియాల్స్‌ దొంగిలించిన దొంగని అరెస్ట్‌ చేశారుఉ పోలీసులు. మాబెల్లా ఇండస్ట్రియల్‌ ఏరియాలో ఈ ఘటన జరిగింది. విచారణలో నిందితుడు నేరాన్ని అంగీకరించాడు.