రోడ్స్‌ అండ్‌ ట్రాన్స్‌పోర్ట్‌ అథారిటీ (ఆర్‌టిఎ) దుబాయ్‌లో ప్రయాణీకుల అవసరాల నిమిత్తం ఎప్పటికప్పుడు ప్రత్యేకమైన చర్యలు తీసుకుంటోంది. దుబాయ్‌ మీడియా సిటీ వద్ద ఆదివారం నుంచి ఉచితంగా బస్‌ సౌకర్యాన్ని ఏర్పాటు చేస్తున్నారు. మూడు నెలలపాటు ఈ బస్‌ ఉచితంగానే ప్రయాణీకులకు అందుబాటులో వుండనుంది. ఆర్‌టిఎ పబ్లిక్‌ ట్రాన్స్‌పోర్ట్‌ ఏజెన్సీ అహ్మద్‌ బహ్రూెజియాన్‌ మాట్లాడుతూ, ఆర్‌టిఎ చేపడ్తున్న అనేక సంస్కరణల్లో ఇది కూడా ఒకటని, దుబాయ్‌ ఫ్యూచర్‌ యాక్సెలరేటర్‌లో భాగంగా ఈ కార్యక్రమం చేపట్టామని తెలిపారు. నఖీల్‌ హార్బర్‌, టవర్‌ స్టేషన్‌, అమెరికన్‌ యూనివర్సిటీ ఆఫ్‌ దుబాయ్‌, దుబాయ్‌ కమర్షియల్‌ బ్యాంక్‌, అరోరా టవర్‌ వంటి ప్రాంతాల్ని దుబాయ్‌ మీడియా సిటీతోపాటు ప్రత్యేకంగా గుర్తించామని అక్కడి ప్రయాణీకుల మూమెంట్‌ని పరిశీలిస్తామని అధికారులు తెలిపారు.