అలనాటి మేటి నటి సావిత్రి జీవిత కథ ఆధారంగా తెరకెక్కుతున్న సినిమా 'మహానటి' సినిమా టీజర్ కొద్ది సేపటి క్రితం విడుదల చేశారు. ''అనగనగా ఒక మహానటి..'' అంటూ టీజర్ మొదలవుతుంటే.. కీర్తి సురేష్ అభివాదం చేస్తుండటం ప్రేక్షకులను బాగా ఆకట్టుకుంటోంది. ఈ సినిమాలో సావిత్రిగా కీర్తి సురేష్‌.. ఆమె భర్త జెమినీ గణేశన్‌గా దుల్కర్ సల్మాన్ నటిస్తున్నారు. మధురవాణి పేరుతో సమంత జర్నలిస్ట్‌గా దర్శనమీయనుంది. ఇప్పటికే విడుదలైన ఈ సినిమా పోస్టర్లు ప్రేక్షకులను విశేషంగా ఆకట్టుకున్నాయి. మే 9న విడుదల కాబోతున్న ఈ సినిమా కోసం ప్రేక్షకులు ఎంతగానో ఎదురు చూస్తున్నారు.