కథువా అత్యాచార బాధితురాలి అంత్య క్రియల విషయంలో స్థానిక గ్రామస్థులు దారుణంగా ప్రవర్తించారు. చిన్నారి మృతదేహం ఖననం చేయడానికి స్థలం కూడా ఇవ్వలేదని బాధితురాలి బంధువులు తెలిపారు. దీంతో 8 కిలో మీటర్ల దూరంలోని మరో గ్రామంలో చిన్నారి అంత్యక్రియలు చేయాల్సి వచ్చిందని వెల్లడించారు. చిన్నారి బంధువులను ఖననం చేసిన చోటే పాప మృత దేహానికి శవ సంస్కారాలు చేయాలని ఆమె తండ్రి భావించాడు. కానీ ఆ స్థలం బక్రావల్‌ తెగకు చెందిన ఆ కుటుంబానిది కాదని వాదిస్తూ గ్రామస్థులు గొయ్యి తవ్వకుండా అడ్డుకున్నారు.