మస్కట్‌: వలసదారుడొకర్ని ఎయిర్‌ లిఫ్ట్‌ ద్వారా ఖౌలా హాస్పిటల్‌కి ఒమన్‌ రాయల్‌ ఎయిర్‌ఫోర్స్‌ తరలించింది. అధికారులు వెల్లడించిన వివరాల ప్రకారం, సుల్తాన్‌ కబూస్‌ పోర్ట్‌ - ముట్రాహ్‌లో ఓ క్రూయిజ్‌ షిప్‌లో వలసదారుడు అనారోగ్య సమస్యలతో బాధపడుతున్నట్లు సమాచారం అందిన వెంటనే, అతని ఎయిర్‌ లిఫ్ట్‌ చేసినట్లు తెలుస్తోంది. క్రూయిజ్‌ షిప్‌లో వున్న అమెరికా జాతీయుడ్ని మెడికల్‌ ఎవాక్యుయేషన్‌ చేశారమని అధికారులు వివరించారు. వైద్య చికిత్స నిమిత్తం ఆయన్ని ఖౌలా హాస్పిటల్‌కి తరలించామని వారు చెప్పారు. మినిస్ట్రీ ఆఫ్‌ డిఫెన్స్‌కి సంబంధించిన పలు సర్వీసుల్లో మెడికల్‌ ఎవాక్యుయేషన్‌ కూడా ఒకటి. ఈ నేపథ్యంలోనే రాయల్‌ ఒమన్‌ ఎయిర్‌ ఫోర్స్‌ అత్యంత చాకచక్యంగా వ్యవహరించింది.