అబుదాబీ పోలీసులు, అల్‌ మఫ్రాక్‌ అల్‌ గువైఫాత్‌ హైవేపై వేగానికి సంబంధించి స్పష్టతనిచ్చారు. గంటకు 160 కిలోమీటర్ల వేగం ఈ రోడ్డుపై స్పీడ్‌ లిమిట్‌గా పేర్కొన్నారు పోలీసు అధికారులు. రాడార్‌ని గంటకు 161 కిలోమీటర్ల వేగం, అంతకు మించిన వేగంతో వెళ్ళే వాహనాల్ని గుర్తించేలా సెట్‌ చేసినట్లు అధికారులు వివరించారు. 2018 జనవరి 28 నుంచి ఈ స్పీడ్‌ లిమిట్‌ అమల్లోకి వచ్చింది. అంతకు ముందు స్పీడ్‌ లిమిట్‌ని గంటకు 140 కిలోమీటర్లుగా నిర్ణయించారు. జనవరి 1 నుంచి ఈ వేగం అమల్లోకి వచ్చింది. ఆ తర్వాత ఈ వేగాన్ని గంటకు 160 కిలోమీటర్లకు పెంచారు.