తీవ్రవాదం కేసులో జీవిత ఖైదు
May 01, 2018
మనమా: నాలుగవ హై క్రిమినల్‌ కోర్టు, ఓ టెర్రర్‌ సస్పెక్ట్‌కి జీవిత ఖైదు అలాగే 200,000 బహ్రెయినీ దినార్స్‌ జరీమానా విధించింది. ఈ కేసులో మరో నిందితుడికి 15 ఏళ్ళ జైలు శిక్షనీ 100,00 బహ్రెయినీ దినార్స్‌ జరీమానా విధించింది. నిందితుడి పౌరసత్వాన్ని సైతం న్యాయస్థానం రద్దు చేసింది. చీఫ్‌ ప్రాసిక్యూటర్‌ మరియు యాక్టింగ్‌ హెడ్‌ ఆఫ్‌ టెర్రర్‌ క్రైమ్‌ ప్రాసిక్యూషన్‌ హమాద్‌ షాహిన్‌ ఈ విషయాల్ని వెల్లడించారు. టెర్రరిస్ట్‌ గ్రూప్‌లో చేరడం, ఆ గ్రూప్‌కి ఫండింగ్‌ చేయడం, పేలుడు పదార్థాల్ని తయారు చేయడం వంటి నేరాభియోగాలు వీరిపై రుజువు చేయబడ్డాయి.
