అజ్మన్‌:అజ్మన్‌ స్టోర్‌ భారీ డిస్కౌంట్లు ప్రకటించడంతో వందలాది మంది వినియోగదారులు ఒకేసారి అక్కడకు వెళ్ళడంతో భారీగా తొక్కిసలాట చోటు చేసుకుంది. ఈ నేపథ్యంలో డిఇడి ఇన్‌స్పెక్టర్స్‌ సంఘటనా స్థలానికి చేరుకుని రష్‌ని అదుపు చేసేందుకు ప్రయత్నించారు. డిఇడి అజ్మన్‌ డిపార్ట్‌మెంట్‌ ఆఫ్‌ కంట్రోల్‌ అండ్‌ కన్స్యుమర్‌ ప్రొటక్షన్‌ డైరెక్టర్‌ మజెద్‌ అల్‌ సువైది మాట్లాడుతూ, సదరు స్టోర్‌ అన్ని అనుమతులూ పొంది వుందనీ, రష్‌ గురించిన సమాచారం అందగానే, అక్కడికి టీమ్‌ని తరలించి పరిస్థితిని చక్కదిద్దేందుకు ప్రయత్నించామని అన్నారు. అజ్మన్‌ పోలీసులు సైతం రంగంలోకి దిగి, పరిస్థితిని సమీక్షించారు.