మన చరిత్రను ఎలా అయితే క్రీస్తు పుట్టుక ముందు (బి సి), క్రీస్తు మరణం తర్వాత (ఎడి) అంటూ విశ్లేషిస్తామో అదే విధంగా తెలుగు సినిమాలో హీరోయిన పరంపరను సావిత్రికి ముందు.. సావిత్రి తర్వాత అని చెప్పుకోవడంలో ఏమాత్రం అతిశయోక్తి లేదు. ఒక నటిగా తెలుగు సినిమాపై, తెలుగు ప్రేక్షకులపై సావిత్రి వేసిన ముద్ర అలాంటిది. తెలుగు మరియు తమిళ భాషల్లోని అగ్రకథానాయకులందరితోనూ వెండితెరను పంచుకొన్న సావిత్రి నటిగా శిఖరాగ్ర స్థాయికి చేరుకొని.. తదనంతరం తోకచుక్కలా నేలరాలిన పర్వాన్ని ఎరుగని సినిమా ప్రియులుండరు. అటువంటి మహానటి 82వ జయంతి నేడు. తన నటనతో అఖిలాంద్ర ప్రేక్షకులను ఓలలాడించిన ఆ మహానటిని ఈ సందర్భంగా స్మరించుకోవడం మన బాధ్యత!