రస్‌ అల్‌ ఖైమాలోని 101 ఫుడ్‌ మరియు హెల్త్‌ ఔట్‌లెట్స్‌కి నిబంధనలు పాటించని కారణంగా జరీమానా విధించడం జరిగింది. మొత్తం 28,150 దిర్హామ్‌ల జరీమానా విధించినట్లు అధికారులు తెలిపారు. 103 కిలోల ప్రోడక్ట్స్‌ని (ఇందులో 98 కిలోల ఫుడ్‌, 5 కిలోల కాస్మెటిక్‌ ఐటమ్స్‌) ప్రమాదకరంగా నిర్ధారించి వాటిని ధ్వంసం చేసినట్లు పబ్లిక్‌ హెల్త్‌ డిపార్ట్‌మెంట్‌ యాక్టింగ్‌ మేనేజర్‌ షైమా అల్‌ తునాజి చెప్పారు. కొన్ని ఔట్‌లెట్స్‌ పదే పదే ఉల్లంఘనలకు పాల్పడుతున్నట్లు ఆమె వివరించారు. తాజా తనిఖీల్లో షాప్‌లను షట్‌డౌన్‌ చేయడం జరగలేదనీ, 71 షాప్‌లకు వార్నింగ్‌ లెటర్స్‌ ఇచ్చామని చెప్పారు.