బాలీవుడ్ బ్యూటీ సోనమ్ కపూర్, బిజినెస్‌మేన్ ఆనంద్ ఆహుజా వివాహం ధూమ్‌ధామ్‌గా జరిగింది. ముంబైలోని ఓ హెరిటేజ్ బిల్డింగ్‌లో జరిగిన ఈ పెళ్లి వేడుకకు సెలబ్రిటీలంతా తరలివచ్చారు. సిక్కు సంప్రదాయం ప్రకారం వివాహం జరిపించారు. ఇందుకోసం అమృత్‌సర్‌లోని గోల్డెన్ టెంపుల్ నుంచి గురుగ్రంధ్ సాహిబ్‌ను ప్రత్యేకంగా తెప్పించారు. ఎరుపురంగు సంప్రదాయ దుస్తుల్లో సోనమ్ మెరిసిపోయింది. పెళ్లి తర్వాత రాత్రి లీలా ప్యాలెస్‌లో జరిగిన రిసెప్షన్‌లో సెలబ్రిటీలంతా డాన్సులతో హంగామా చేశారు.