మనామా: 14 ఏళ్ళ బాలుడు, ఆత్మహత్యకు యత్నించగా, అతన్ని క్షేమంగా రక్షించింది సివిల్‌ డిఫెన్స్‌. సివిల్‌ డిఫెన్స్‌ డైరెక్టరేట్‌ ఈ మేరకు ఓ ప్రకటన చేసింది. ముగ్గురు అధికారులు, 10 మంది సిబ్బంది సంఘటనా స్థలానికి చేరుకుని, సేఫ్టీ నెట్‌ ఏర్పాటు చేసి బాలుడ్ని రక్షించడానికి అన్ని చర్యలూ చేపట్టారు. అయితే బాలుడు దూకేస్తానని బెదిరించడంతో, మరింత జాగ్రత్తగా సిబ్బంది బాలుడున్న చోటుకి చేరుకున్నారు. అనంతరం అతన్ని జాగ్రత్తగా పట్టుకుని, కిందికి తీసుకొచ్చారు. అనంతరం బాలుడ్ని ఆసుపత్రికి తరలించారు. తల్లిదండ్రులు, స్కూలు సిబ్బంది ఇలాంటి పిల్లలను గుర్తించాలనీ, వారికి ప్రత్యేకంగా కౌన్సిలింగ్‌ ఇప్పించాలని అధికారులు సూచించారు.