అబుదాబి:మోటరిస్టులు అడ్నాక్‌ డిస్ట్రిబ్యూషన్‌ ప్రీమియమ్‌ సర్వీస్‌ని 40 స్టేషన్లలో జూన్‌ 28 వరకు ఉచితంగా పొందేందుకు వీలుంది. గత నెలలో, అడ్నాక్‌ డిస్ట్రిబ్యూషన్‌ సెల్ఫ్‌ సర్వీస్‌ మరియు ప్రీమియమ్‌ లేన్స్‌పై తమ ప్లాన్స్‌ని విడుదల చేసింది. వాహనాల్లో పెట్రోల్‌ పోయించుకునేందుకు అటెండెంట్‌ కావాల్సి వస్తే, అందుకు కొంత రుసుము చెల్లించాల్సి వుంటుంది. అయితే ఇది ఎంత మొత్తంలో అనేది మాత్రం వెల్లడించలేదు. ట్రయల్‌ పీరియడ్‌ని వచ్చే నెల వరకు పొడిగించినట్లు సంస్థ తాజాగా ప్రకటించింది. అడ్నాక్‌ ఫ్లెక్స్‌ పేరుతో ఈ కొత్త సర్వీస్‌ని అందుబాటులోకి తెచ్చారు. ఏప్రిల్‌ 18 నుంచి ఇప్పటిదాకా 40 పెట్రోల్‌ స్టేషన్స్‌లో సుమారు 157,000 మంది తమ వాహనాల్ని పెట్రోల్‌ కోసం తీసుకెళ్ళినట్లు సంస్థ వెల్లడించింది. వీరిలో 69 శాతం వినియోగదారులు ప్రీమియమ్‌ సర్వీస్‌ని వినియోగించుకున్నారు.