ప్రముఖ రచయిత ఇస్మై చుగ్తాయి రచించిన పుస్తకం 'లిహాఫ్‌' దాని ఆధారంగా రూపొందుతున్న వివాదాస్పద చిత్రం 'లిహాఫ్‌'(మెత్తని బొంత). రహత్‌ కాజ్మీ దర్శకత్వంలో రూపొందుతున్న ఈ చిత్రం ఫస్ట్ లుక్ పోస్టర్ ను విడుదల చేశారు. కేన్స్ లో జరుగుతున్న ఫిలిం ఫెస్టివల్ ప్రాంగణంలో లిహాఫ్‌ సినిమా పోస్టర్ ను విడుదల చేశారు నిర్మాతలు. ఒక ఎర్రని బొంత మీద ఇద్దరు మహిళల పాదాలు ఒకదాని మీద మరొకటి. వాటిలో ఒకరి పాదాలకు బాగా అలకంరించిన మువ్వలు ఉండగా, మరొకరి పాదాలకు సాదా మువ్వలు కనిపిస్తున్నాయి. భర్త నిరాదరణకు గురైన మహిళ మానసిక సరిస్థితి ఎలా ఉంటుంది, ఆ సమయంలో ఆమెను ఏఏ విషయాలు ఆకర్షిస్తాయనే ఇతివృత్తంతో తెరకెక్కుతుంది  'లిహాఫ్‌'.. ఇందులో తనిష్తా ఛటర్జీ , సోనల్‌ సెహగల్‌ కీలక పాత్రల్లో నటిస్తున్నారు.