జూన్ 2న తెలంగాణా ఆవిర్భావ దినోత్సవం సందర్భంగా నిరుద్యోగులకు శుభవార్త చెప్పనుంది రాష్ట్ర సర్కార్. కొత్త జిల్లాల్లోని పోలీస్ విభాగాల్లో సబ్ ఇన్‌స్పెక్టర్, కానిస్టేబుల్ పోస్టులతో పాటు కొత్త బెటాలియన్లు, ఆర్మ్‌డ్ రిజర్వ్, ట్రాన్స్‌పోర్టు ఆర్గనైజేషన్ సిబ్బంది భర్తీకి చర్యలు చేపట్టింది. పోలీస్‌శాఖ లోని 18వేల పోస్టులను భర్తీ చేసేందుకు జూన్1 నోటిఫికేషన్ ఇవ్వనుంది. ఆన్‌లైన్ విధానం ద్వారా దరఖాస్తు ప్రక్రియను చేపట్టనుంది. మహిళలకు సివిల్ విభాగంలో 33 శాతం, ఆర్మ్‌డ్ రిజర్వ్ విభాగంలో 10 శాతం రిజర్వేషన్ ఉంటుందని అధికారులు స్పష్టం చేశారు.