ప్రముఖ వ్యాపారవేత్త విజయ్‌ మాల్యా జీవితాధారంగా బయోపిక్‌ తెరకెక్కిస్తున్నారు సెన్సార్‌ బోర్డు మాజీ చీఫ్‌, దర్శకుడు పహ్లజ్‌ నిహ్లానీ. ఈ విషయాన్ని ఆయన మీడియా ద్వారా వెల్లడించారు. రీల్‌ లైఫ్ మాల్యా పాత్రలో ప్రముఖ బాలీవుడ్‌ నటుడు గోవిందా నటిస్తున్నట్లు పేర్కొన్నారు. ఈ చిత్రంలో గోవింద గెటప్‌ చూసి అభిమానులు సర్‌ప్రైజ్‌ అవుతారని తెలిపారు. బ్యాంక్‌ స్కాంల సన్నివేశాలను వినోదాత్మకంగా తెరకెక్కించామన్నారు. కాగా మాల్యా గెటప్‌లో ఉన్న గోవింద లుక్‌ ఒకటి సోషల్‌మీడియాలో వైరల్‌ అవుతోంది. అచ్చం మాల్యా లాంటి హెయిర్ స్టైల్‌తో గోవింద ఆకట్టుకుంటున్నారు.