మస్కట్‌: విలాయత్‌ ఆఫ్‌ సోహార్‌లో ఓ ఇల్లు అగ్ని ప్రమాదానికి గురయ్యింది. ఈ ప్రమాదంలో ముగ్గురికి గాయాలయ్యాయి. ఒమన్‌ పబ్లిక్‌ అథారిటీ ఫర్‌ సివిల్‌ డిఫెన్స్‌ అండ్‌ అంబులెన్స్‌ (పిఎసిడిఎ) ఈ విషయాన్ని వెల్లడించింది. పిఎసిడిఎ వెల్లడించిన వివరాల ప్రకారం నార్త్‌ బతినా గవర్నరేట్‌ సివిల్‌ డిఫెన్స్‌ అండ్‌ అంబులెన్స్‌ సెంటర్‌ టీమ్‌ అత్యంత చాకచక్యంగా మంటల్ని అదుపు చేసింది. ఈ క్రమంలో పొగను పీల్చి ముగ్గురు అస్వస్థతకు గురయ్యారు. వారికి అత్యవసర వైద్య చికిత్స అందించారు. ప్రస్తుతం వారి ఆరోగ్య పరిస్థితి బాగానే వుందని అధికారులు వివరించారు. మరో రెండు గటనల్లో దోఫార్‌ గవర్నరేట్‌ ఫైర్‌ ఫైటర్స్‌, ఓ వాహనం అగ్ని ప్రమాదానికి గురికాగా, మంటల్ని ఆర్పివేశారు. ఇబ్రిలోని ఓ వేర్‌ హౌస్‌ అగ్ని ప్రమాదానికి గురికాగా, సకాలంలో ఫైర్‌ ఫైటర్స్‌ మంటల్ని అదుపు చేయగలిగారు. ఈ ఘటనలో ఎవరికీ గాయాలు కాలేదుగానీ, ఆస్తి నష్టం సంభవించింది.