దుబాయ్‌:దుబాయ్‌ రెసిడెంట్స్‌, ఈద్‌ అల్‌ ఫితర్‌ సెలవుల సందర్భంగా ఉచిత పార్కింగ్‌ సౌకర్యాన్ని పొందవచ్చు. అలాగే దుబాయ్‌ మెట్రో పొడిగించిన సేవల్నీ ఆస్వాదించే వీలు కలగనుంది. మల్టీ లెవల్‌ పార్కింగ్‌ టెర్మినల్స్‌ మినహా అన్ని పబ్లిక్‌ కార్‌ పార్క్స్‌లోనూ పార్కింగ్‌ సౌకర్యం ఉచితమే. 29 రమదాన్‌ నుంచి 3 షవ్వాల్‌ వరకు ఈ ఉచిత పార్కింగ్‌ వర్తిస్తుంది. 4 షవ్వాల్‌ నుంచి తిరిగి పార్కింగ్‌ రుసుములు మొదలవుతాయి. జూన్‌ 14, గురువారం నుంచి పొడిగించిన వేళల్లో మెట్రో రైళ్ళు సేవలందిస్తాయి. జూన్‌ 1న ఉదయం 5 గంటల నుంచి అర్థరాత్రి 2 గంటల వరకు మెట్రో రైళ్ళు నడుస్తాయి. శుక్రవారం జూన్‌ 15న ఉదయం 10 గంటల నుంచి రాత్రి 2 గంటల వరకు నడుస్తాయి. శనివారం, ఆదివారం, సోమవారం తెల్లవారు ఝామున 5 గంటల నుంచి రాత్రి 2 గంటల వరకు మెట్రో రైళ్ళు నడుస్తాయి. దుబాయ్‌ ట్రామ్‌ సర్వీసులు గురువారం నుంచి గురువారం వరకు ఉదయం 6 గంటల నుంచి రాత్రి 1 గంట వరకు నడుస్తాయి. శుక్రవారం ఉదయం 9 గంటల నుంచి రాత్రి 1 గంట వరకు నడుస్తుంది. కస్టమర్‌ హ్యాపీనెస్‌ సెంటర్స్‌ 29 రమదాన్‌ నుంచి 3 షవ్వాల్‌ వరకు మూసివేయబడ్తాయి. 4 షవ్వాల్‌ రోజున తిరిగి తెరుస్తారు.