నటి షకీలా చాలా సినిమాల్లో నటించింది. కొంత కాలం వెండి తెరకు దూరమైన ఆమె తన 250 వ చిత్రం 'శీలవతి' ద్వారా మళ్లీ ప్రేక్షకుల ముందుకు వచ్చింది. ఇప్పటికే పలుమార్లు ఈ సినిమా వాయిదా పడుతూ వచ్చింది. ఏదేమైనా ఈ నెలలో చిత్రాన్ని రిలీజ్ చేయాలని యూనిట్ భావించింది. అయితే సెన్సార్ సభ్యుల నుంచి సినిమా టైటిల్‌కు సంబంధించిన అభ్యంతరాలు వ్యక్తమవుతున్నాయి. దీనిపై షకీలా మాట్లాడుతూ.. సినిమా చూడకుండానే టైటిల్ మార్చమని చెప్పడం సరికాదన్నారు. ఇప్పటికే చాలా ఆలస్యమైందని, ఈ పేరుతోనే ప్రమోషన్ కూడా చేసామని, ఈ పరిస్థితుల్లో టైటిల్ మార్చమని చెప్పడం భావ్యం కాదంటూ ఓ వీడియో మెసేజ్‌ని సెన్సార్ సభ్యులకు పోస్ట్ చేసింది. మరి దీనిపై వారు ఎలాంటి వివరణ ఇచ్చుకుంటారో చూడాలి.