టాలీవుడ్ బెస్ట్ డ్యాన్సర్ ఎవరు ? అంటే టక్కున యంగ్ టైగర్ ఎన్ టీఆర్ పేరు చెబుతుంటారు. డ్యాన్సులు, డైలాగ్స్ లో తారక్ ని మించినోడు లేడు. అవే ఆయన్ని త్వరగా స్టార్ హీరోని చేశాయి. ఇప్పుడు తారక్.. ఫేమస్ డ్యాన్స్ షో ఢీ 10 ఫైనల్ కు రాబోతున్నాడు.
ఈ టీవీలో ప్రసారమయ్యే 'ఢీ' డ్యాన్స్ ఎంత ఫేమస్సో తెలిసిందే. ఇప్పుడీ షో విజయవంతంగా పది షోలు పూర్తి చేసుకోనుంది. ఢీ 10 ఫైనల్ కు చేరుకొంది. ఫైనల్స్ కి యంగ్ టైగర్ ఎన్ టీఆర్ ముఖ్య అథితిగా హాజరుకాబోతున్నాడు. తారక్..ఢీ10 విన్నర్స్ కి టైటిల్ ను అందించనున్నారు. ఇక, ప్రస్తుతం తారక్ త్రివిక్రమ్ దర్శకత్వంలో తెరకెక్కుతోన్న 'అరవింద సమేత'తో బిజీగా ఉన్నారు. దసరా కానుకగా ఈ సినిమాని ప్రేక్షకుల ముందుకు తీసుకురానున్నారు.