మస్కట్‌: నేషనల్‌ ట్రాన్స్‌పోర్టేషన్‌ కంపెనీ మవసలాత్‌, రానున్న ఖరీఫ్‌ సీజన్‌కి సంబంధించి సలాలా రూట్‌లో స్పెషల్‌ ఆఫర్స్‌ని ప్రకటించింది. జూన్‌ 22 నుంచి 31 ఆగస్ట్‌ వరకు ఈ ఆఫర్స్‌ అమల్లో వుంటాయి. మస్కట్‌ సలాలా మధ్య రౌండ్‌ ట్రిప్స్‌కి సంబంధించి రోజూ ఆరు ట్రిప్స్‌ 600 సీట్లతో అందుబాటులో వుంటాయి. ఒక వైపు ధర 6 ఒమన్‌ రియాల్స్‌ కాగా, రౌండ్‌ ట్రిప్‌కి 10 ఒమన్‌ రియాల్స్‌ వసూలు చేస్తారు. ఇద్దరు పెద్దలు, ఇద్దరు పిల్లలు (3 నుంచి 12 ఏళ్ళలోపు వారికి) ఫ్యామిలీ టిక్కెట్‌లో భాగంగా రౌండ్‌ ట్రిప్‌ కోసం 25 ఒమన్‌ రియాల్స్‌ వసూలు చేయడం జరుగుతుంది. సలాలా మరియు ఇతర లొకేషన్స్‌కి సంబంధించి టిక్కెట్‌ ధరలు వేర్వేరుగా వుంటాయి.