షూటింగ్ లో భాగంగా కోలీవుడ్‌ స్టార్‌ హీరో ధనుష్‌కు గాయాలయ్యాయి. శుక్రవారం అయన చిత్రం మారి-2 క్లైమాక్స్ షూటింగ్ చేస్తుండగా సినిమా  కోసం వేసిన సెట్ అందులోని చెక్క విరిగి హీరో ధనుష్ మీద పడింది. దీంతో అయన చేతికి, కాలికి గాయాలయ్యాయి. కాగా అదే షాట్ లో హీరోయిన్ సాయిపల్లవి పాల్గొనాల్సి ఉండగా ఆమె షాట్ కంటే ముందు ధనుష్ షాట్ చేయడంతో అతనికి గాయాలయ్యాయని చిత్ర యూనిట్ తెలిపింది. గాయపడ్డ హీరో ధనుష్ ను ఆసుపత్రికి తరలించారు. అయన కోలుకునేవరకు షూటింగ్ ను నిలుపుదల చేశారు నిర్మాతలు. ఇదిలావుంటే షూటింగ్ లో గాయపడ్డ ధనుష్ అభిమానులను ఉద్దేశించి ట్వీట్ చేశాడు. తనకు ఎటువంటి ప్రమాదం లేదని. అభిమానులు ఖంగారు పడాల్సిన పనిలేదని ట్వీట్ చేశాడు.