అందాల తార శ్రీదేవి తనయ జాన్వీ కపూర్ దఢక్ అనే సినిమాతో వెండితెర ఆరంగేట్రం చేస్తున్న సంగతి తెలిసిందే. మరాఠీ చిత్రం సైరత్‌కి రీమేక్‌గా ఈ మూవీ రూపొందుతుంది. ఇషాన్ ఖట్టర్ ఇందులో కథానాయకుడిగా నటిస్తున్నాడు. జూలై 20న మూవీ ప్రేక్షకుల ముందుకు రానుంది . రొమాంటిక్ డ్రామాగా రూపొందుతున్న ఈ చిత్రాన్ని శశాంక్ కైతాన్ తెరకెక్కించగా, కరణ్ జోహార్ నిర్మించారు. ఈ సినిమాపై అభిమానులలో చాలా ఎక్స్ పెక్టేషన్స్ ఉన్నాయి. ఇప్పటి వరకు చిత్రానికి సంబంధించి విడుదలైన పోస్టర్స్, టీజర్స్‌, ట్రైలర్ సినిమాపై భారీ అంచనాలు పెంచగా, తాజాగా మేకింగ్ వీడియో విడుదల చేశారు. ఇందులో జాన్వీ, ఇషాన్‌ల మధ్య జరిగిన ఫన్ సన్నివేశాలని చూపించారు. ఈ వీడియో అభిమానులని అలరిస్తుంది. మీరు ఈ వీడియో చూసి ఎంజాయ్ చేయండి.