మస్కట్‌: అరబ్‌ జాతీయుడొకరు, ఫేక్‌ క్రెడిట్‌ కార్డులతో 1.27 మిలియన్‌ ఒమన్‌ రియాల్స్‌ దోపడీకి పాల్పడినట్లు రాయల్‌ ఒమన్‌ పోలీస్‌ వెల్లడించారు. బ్యాంక్‌ కార్డుల్ని ఫోర్జరీ చేయడం ద్వారా తన ఖాతాలోకి ఇతరుల బ్యాంకుల్లోని సొమ్ముని తరలించాడు నిందితుడు. డైరెక్టరేట్‌ జనరల్‌ ఆఫ్‌ ఇన్వెస్టిగేషన్‌ అండ్‌ క్రిమినల్‌ ఇన్వెస్టిగేషన్‌ - ఆర్‌ఓపి నిందితుడ్ని అరెస్ట్‌ చేయడం జరిగింది. మనీ లాండరింగ్‌ చట్టాలు, ఇన్ఫర్మేషన్‌ టెక్నాలజీకి సంబంధించిన చట్టాల ప్రకారం నిందితుడిపై కేసులు నమోదు చేశారు. కార్డుల్ని ఫోర్జరీ చేసిన నిందితుడు, ఏటీఎంల ద్వారా పెద్దయెత్తున సొమ్ముల్ని దొంగిలించినట్లు అధికారులు తెలిపారు.