మనామా: షేక్‌ ఖలీఫా బిన్‌ సల్మాన్‌ హైవేపై బురి వద్ద జరిగిన ఘోర రోడ్డు ప్రమాదంలో బహ్రెయినీ డ్రైవర్‌ ప్రాణాలు కోల్పోయారు. వాహనంపై డ్రైవర్‌ అదుపు కోల్పోవడంతోనే ఈ ప్రమాదం జరిగినట్లు తెలుస్తోంది. హైవేపై వున్న స్టీల్‌ ఫెన్స్‌పైకి వాహనం దూసుకుపోయింది. ప్రమాద సమయంలో కారు జిసిసి లైసెన్స్‌ ప్లేట్స్‌ కలిగి వుందనీ, ఈ ఘటనలో వేరే వాహనాల ప్రమేయం లేదని ప్రత్యక్ష సాక్షులు వెల్లడించారు. సంఘటన గురించిన సమాచారం అందుకోగానే ట్రాఫిక్‌ పోలీస్‌ సకాలంలో అక్కడికి చేరుకుని, పరిస్థితిని సమీక్షించారు. సుమారు గంట వరకు ట్రాఫిక్‌ సమస్యలు తలెత్తాయి. ప్రమాదానికి గురైన కారుని అక్కడినుంచి తొలగించడంతో ట్రాఫిక్‌ అవాంతరాలు తగ్గాయి.