మస్కట్‌: సోహార్‌లో తొలిసారిగా ప్రైవేట్‌ హాస్పిటల్‌ని మహిళలు, పిల్లల కోసం ఏర్పాటు చేస్తున్నారు. ఒమన్‌ ఇన్వెస్ట్‌మెంట్‌ కార్పొరేషన్‌ ఈ మేరకు టెండర్స్‌ని రిలీజ్‌ చేసింది. 70 పడకల ఈ ఆసుపత్రి ప్రత్యేకించి మహిళలు, పిల్లలకు వైద్య సహాయం అందిస్తుందని హెల్త్‌ కేర్‌ ప్రాజెక్ట్‌ డెవలప్‌మెంట్‌ డైరెక్టర్‌ - ఒమన్‌ ఇన్వెస్ట్‌మెంట్‌ కార్పొరేషన్‌ డాక్టర్‌ ఖాలిద్‌ ఎల్కోండాక్లీ చెప్పారు. మూడు ఆపరేటింగ్‌ రూమ్స్‌, పెద్దలకు అలాగే పిల్లల కోసం ఇంటెన్సివ్‌ కేర్‌ యూనిట్‌ ఈ ఆసుపత్రిలో వుంటాయి. తొమ్మిది లేబర్‌ మరియు డెలివరీ రూమ్స్‌, అత్యాధునిక నియోనాటల్‌ ఫెసిలిటీస్‌ని కూడా ఇందులో ఏర్పాటు చేస్తారు. ఇంటర్నల్‌ మెడిసిన్‌, జనరల్‌ సర్జరీ, ఆన్‌ కాల్‌ సర్జరీ టు ట్రీట్‌ ట్యూమర్స్‌ ఇన్‌ విమెన్‌, ఫిజియోథెరపీ వంటి సౌకర్యాలూ ఇక్కడ అందుబాటులో వుంటాయి.