అబుదాబీలో జరిగిన రోడ్డు ప్రమాదంలో ముగ్గురు వ్యక్తులు ప్రాణాలు కోల్పోగా, 44 మంది గాయపడ్డారు. ఓ బస్సు, మరో రెండు వాహనాలు అల్‌ షవామెక్‌ బ్రిడ్జిపై ఢీకొనడంతో ఈ ఘటన చోటు చేసుకుంది. వున్నపళంగా వాహనాన్ని టర్న్‌ చేయడం, తగినంత గ్యాప్‌ పాటించకపోవడంతోనే ఈ ప్రమాదం జరిగినట్లు భావిస్తున్నారు. ఉదయం 7.30 ఇమిషాల సమయంలో ఆపరేషన్‌ రూమ్‌కి ఈ ప్రమాద ఘటనపై సమాచారం అందింది. పోలీస్‌ పెట్రోల్స్‌, అంబులెన్సెస్‌ వెంటనే సంఘటనా స్థలానికి చేరుకున్నాయి. గాయపడ్డవారిని హుటాహుటిన అల్‌ రహ్బా మరియు ముఫ్రాఖ్‌ హాస్పిటల్స్‌కి తరలించారు. వాహనదారులు తమ వాహనాలు నడిపేటప్పుడు అప్రమత్తంగా వుండాలనీ, రోడ్‌ రూల్స్‌ పాటించాలనీ అధికారులు సూచిస్తున్నారు.