అబుదాబీ రాఫిల్లో భారతీయ వలసదారుడొకరు 10 మిలియన్‌ దిర్హామ్‌ల బంపర్‌ ప్రైజ్‌ మనీ గెల్చుకున్నారు. అబుదాబీ ఇంటర్నేషనల్‌ ఎయిర్‌పోర్ట్‌లో శుక్రవారం జరిగిన డ్రాలో భారత వలసదారుడు వజ్జపల్లిల్‌ యొహనన్‌ సిమన్‌ విజేతగా నిలిచారు. నిర్వాహకులు, సమాచారాన్ని యొహనన్‌కి తెలపగా, ముందు అతను ప్రాంక్‌ కాల్‌గా భావించాడు. పూర్తి వివరాలు చెప్పేసరికి షాక్‌ అయ్యాడతడు. చాలా చాలా ఆనందంగా వుందంటూ 10 మిలియన్‌ దిర్హామ్‌లు గెల్చుకోవడంపై యొహనన్‌ ఆనందం వ్యక్తం చేశారు. ఆన్‌లైన్‌ ద్వారా 041614 టిక్కెట్‌ని ఆయన కొనుగోలు చేయగా, అతనికి బంపర్‌ ప్రైజ్‌ మనీ దక్కింది. మరోపక్క సిరియన్‌ వ్యక్తి ఒకరు రఫాలె టాప్‌ టెన్‌లో నిలిచారు. మిగతావారంతా భారతీయులే కావడం గమనార్హం.