మస్కట్‌: విలాయత్‌ ఆఫ్‌ ఇబ్రి మరియు యాంకుల్‌లో ఫేక్‌ కరెన్సీ ఆరోపణల నేపథ్యంలో ఇద్దరు వ్యక్తుల్ని అరెస్ట్‌ చేసినట్లు రాయల్‌ ఒమన్‌ పోలీస్‌ పేర్కొంది. అరెస్టయినవారిద్దరూ ఒమన్‌ పౌరులే. వీరిలో ఒకరి వద్ద 3,000 ఒమన్‌ రియాల్స్‌ విలువైన ఫేక్‌ కరెన్సీ లభ్యమయ్యింది. దహిరాహ్‌ పోలీస్‌ నేతృత్వంలో డిపార్ట్‌మెంట్‌ ఆఫ్‌ క్రిమినల్‌ ఇన్వెస్టిగేషన్‌ ఇద్దరు పౌరుల్ని ఫేక్‌ కరెన్సీ ఆరోపణల నేపథ్యంలో అరెస్ట్‌ చేసింది. 50 ఒమన్‌ రియాల్స్‌ విలువ చేసే నోట్లు వీరి వద్ద నుంచి స్వాధీనం చేసుకున్నారు. మొత్తం కరెన్సీ విలువ 3,000 ఒమన్‌ రియాల్స్‌. నిందితుల్ని తదుపరి విచారణ నిమిత్తం జ్యుడీషియల్‌ అథారిటీస్‌కి అప్పగించడం జరిగింది.