కేజీ స్వీట్స్‌ ధర ఎంతుంటుంది? మహా అయితే రూ.500 నుంచి రూ.1000 దాకా ఉండొచ్చు. కానీ, సూరత్‌లోని ఓ స్వీట్ షాపులో విక్రయిస్తున్న స్వీట్‌ ధర మాత్రం రూ.9వేలు. త్వరలో రక్షాబంధన్‌ వేడుకను పురస్కరించుకుని సూరత్‌లోని ఓ మిఠాయి దుకాణం ఈ ఖరీదైన స్వీట్‌ను తయారు చేసింది. ఈ స్వీట్‌కు ఇంత ధర పెట్టడానికి ప్రధాన కారణం దానిని బంగారు పూతతో చేయడమే. ఈ స్వీట్‌పై 24 క్యారెట్ల స్వచ్ఛమైన బంగారాన్ని పూతగా పూశారు. దీంతో ఇది 'గోల్డ్‌ స్వీట్‌' అంటూ వార్తల్లోకి ఎక్కింది.