బహ్రెయిన్‌ కింగ్‌డమ్‌లో డే ఆఫ్‌ అరాఫా అంగరంగ వైభవంగా జరిగింది. పెద్ద సంఖ్యలో పిల్లలు 'హేయా బెయా'లో పాల్గొన్నారు. హేయా బేయా బహ్రెయిన్‌ సంస్కృతీ సంప్రదాయాలకు నిలువెత్తు నిదర్శనం. సంప్రదాయ బుఖ్‌నగర్‌, ట్రెడిషనల్‌ వెయిస్ట్‌ కోట్‌ కాస్ట్యూమ్స్‌ని పిల్లలు ఈ సందర్భంగా ధరిస్తారు. పోర్టికోలలో బార్లీ, వీట్‌ గ్రెయిన్స్‌ నింపిన బాస్కెట్స్‌తో సందడి చేయడం ఈ హేయా బేయా ప్రత్యేకత. ఈ సంప్రదాయాన్ని కువైట్‌, యూఏఈలలోనూ పాటిస్తారు. ముహరాక్‌ గవర్నరేట్‌, హేయాబేయా సెలబ్రేషన్స్‌ని బుసైతీన్‌ షోర్స్‌లో నిర్వహించింది. ట్రెడిషనల్‌ ఐలాండ్‌ సాయ్యా పక్కన ఈ సెలబ్రేషన్స్‌ జరిగాయి. వందలాదిమంది చిన్నారులు ఈ సెలబ్రేషన్స్‌లో పాల్గొన్నారు. బాస్కెట్స్‌లోని వీట్‌, బార్లీ గ్రెయిన్స్‌ని సముద్రంలో వేస్తారు.