అమెరికా సెనెటర్, మాజీ అధ్యక్ష అభ్యర్థి జాన్ మెక్ కెయిన్(81) తుదిశ్వాస విడిచారు. గత కొంతకాలంగా బ్రెయిన్ ట్యూమర్ తో బాధపడుతున్న ఆయన ఆసుపత్రిలో చికిత్స పొందుతూ శనివారం సాయంత్రం తుది శ్వాస విడిచారు. ఆ సమయంలో ఆయన భార్యా సిండీ, కూతురు మేఘన్, ఇతర కుటుంబీకులు ఆయన వద్దే ఉన్నారు. ఈ మేరకు మెక్ కెయిన్ ఆఫీస్ నుండి ఓ ప్రకటన వెలుబడింది. జీవితకాలం మెక్ కెయిన్ ని ఉదాహరణగా తీసుకుని.. అతని అంచనాలను, ప్రేమను నిలబెడతా అని కూతురు మేఘన్ తెలిపారు. అమెరికా ప్రజలకు ఆయన నిస్వార్థ సేవ చేశారని పలువురు నివాళులు అర్పించారు. 2008లో మాజీ అధ్యక్షుడు బరాక్ ఒబామాతో అధ్యక్ష పదవి కోసం పోటీ పడిన మెక్ కెయిన్ ఓటమి పాలైయ్యారు.