సోషల్ మీడియా దిగ్గజం యూట్యూబ్‌ వినియోగదారుల కోసం మరో వినూత్న ప్రయోగం అందుబాటులోకి తీసుకొస్తుంది .సగటు యూజర్.. యూట్యూబ్ లో ఎంత సమయం గడిపాడో ఈ అప్లికేషన్ ద్వారా తెలుసుకోవచ్చు. ఈ వీకెండ్ లేదా మరో మూడు రోజుల్లోనే ఈ ఫీచర్ వినియోగదారుల ఎకౌంట్ మెనూలో అందుబాటులోకి రానుంది. యూజర్లు తాము ఎంతసేపు వీడియోలు చూస్తూ గడిపిందీ ఇందులో తెలుపుంతుంది. అంతేకాదు ఒకవేళ సమయానికంటే మించి యూట్యూబ్ లో వీక్షించే వారిని అప్రమత్తం చేసేలా రిమైండర్లు కూడా ఇస్తుంది. ఒక్కసారి ఈ రిమైండర్ సెట్ చేసుకుంటే నిర్దేశిత సమయానికల్లా కాసేపు బ్రేక్ తీసుకోమంటూ పాప్ అప్ సందేశం ఇస్తుంది. అలాగే వివిధ యూట్యూబ్ చానెళ్లకు సంబంధించిన నోటిఫికేషన్లు అన్ని ఒకేసారి వచ్చేల ఇందులో సెట్ చేసుకోవచ్చు.