అబుదాబీలోని అల్‌ జహియా రెసిడెన్షియల్‌ ఏరియాలోని ఓ అపార్ట్‌మెంట్‌లో సంభవించిన అగ్ని ప్రమాదం కారణంగా ఓ బాలిక మృతి చెందింది. ఈ ఘటనలో మరో ఇద్దరు గాయపడ్డారు. మృతి చెందిన బాలిక వయసు 10 సంవత్సరాలు. సంఘటన గురించి సమాచారం అందుకోగానే సివిల్‌ డిఫెన్స్‌ సిబ్బంది సంఘటన స్థలానికి చేరుకుని, మంటల్ని ఆర్పివేయడం జరిగింది. మంటలు ఎలా చెలరేగాయన్నదానిపై పోలీసులు విచారణ చేస్తున్నారు. మరో ఘటనలో హమమాద్‌ బిన్‌ మొహమ్మద్‌ రోడ్డులోగల ఓ భవనం అగ్ని కీలల్లో చిక్కుకుంది. సివిల్‌ డిఫెన్స్‌ సిబ్బంది సకాలంలో స్పందించి, నష్టం పెరగకుండా చేయగలిగారు. హౌసింగ్‌ యూనిట్స్‌లో ఫైర్‌ కంట్రోల్‌ ఎక్విప్‌మెంట్‌ ఖచ్చితంగా వుండాలనీ, వాటి పని తీరు పట్ల ఒకింత అప్రమత్తంగా వుండాల్సిందేనని అబుదాబీ సివిల్‌ డిఫెన్స్‌ డైరెక్టర్‌ జనరల్‌ బ్రిగేడియర్‌ జనరల్‌ మొహమ్మద్‌ మయూఫ్‌ అల్‌ కెత్బి చెప్పారు.