అనీల్ రావిపూడి ద‌ర్శక‌త్వంలో వెంక‌టేష్‌, వ‌రుణ్ తేజ్ కలిసి నటిస్తున్న మ‌ల్టీ స్టార‌ర్ చిత్రం ఎఫ్‌2. దేవి శ్రీ ప్ర‌సాద్ సంగీతం అందిస్తున్న ఈ మూవీని శ్రీ వెంక‌టేశ్వ‌ర బేన‌ర్‌పై దిల్ రాజు నిర్మిస్తున్నారు. ఇటీవలే వెంక‌టేష్‌, వ‌రుణ్‌లు మాస్‌లుక్‌లో లుంగీతో కనిపించి ఈ మూవీపై భారీ అంచనాలను పెంచారు. ఫ‌న్ అండ్ ఫ్ర‌స్ట్రేష‌న్‌గా వస్తున్న కామెడీ ఎంటర్‌టైనర్‌లో వెంకీ స‌ర‌స‌న త‌మ‌న్నా, వ‌రుణ్ స‌ర‌స‌న మెహ‌రీన్ జోడి క‌ట్టింది. తాజాగా ఈ ఇద్దరు భామలు కలిసి దిగిన సెల్ఫీలను మెహరీన్ తన ట్వీట్టర్‌లో షేర్ చేసింది. విచిత్ర‌మైన ఎక్స్‌ప్రెష‌న్స్‌తో ఉన్న ఈ ఫోటోలను చూసిన నెటిజన్లు తెగ కామెంట్లు చేస్తున్నారు. నిన్నటి వరకు బాగనే ఉన్నారు కదా.. ఎందుకు అలా అయిపోయారు.. ఓ సారి డాక్టర్‌కు చూపించుకోండి అంటూ సరదా కామెంట్స్ చేస్తున్నారు. ఇప్పుడు ఈ ఫోటోలు నెట్టింట్లో తెగ హల్‌చల్ చేస్తున్నాయి.