జెడ్డా:సౌదీ అరేబియా ఎయిర్‌ డిఫెన్స్‌ ఫోర్సెస్‌, హౌతీ తీవ్రవాదులు యెమెన్‌ నుంచి ప్రయోగించిన బాలిస్టిక్‌ మిస్సైల్‌ని కూల్చివేశాయి. నజ్రాన్‌ వైపుగా ఈ మిస్సైల్‌ని తీవ్రవాదులు ప్రయోగించారు. గురువారం సాయంత్రం ఈ ఘటన జరిగినట్లు సౌదీ అరేబియా ఎయిర్‌ డిఫెన్స్‌ ఫోర్సెస్‌ వెల్లడించింది. కింగ్‌డమ్‌పై ఇరాన్‌ మద్దతుతో హౌతీ తీవ్రవాదులు మిస్సైళ్ళతో దాడికి యత్నించడం ఇదే తొలిసారి కాదు. దాదాపు 180 మిస్సైళ్ళను సౌదీ వైపు ఇటీవలి కాలంలో తీవ్రవాదులు ప్రయోగించారు. పౌరులు ఎక్కువగా నివసించే ప్రాంతాలే లక్ష్యంగా మిసైళ్ళతో దాడికి యత్నిస్తున్నారు తీవ్రవాదులు. అయితే అత్యంత చాకచక్యంగా సౌదీ ఎయిర్‌ డిఫెన్స్‌ ఫోర్సెస్‌ ఆ మిస్సైళ్ళను ఇంటర్‌సెప్ట్‌ చేయడం జరుగుతోంది.