మస్కట్‌: బౌషర్‌లోని వర్కర్స్‌ అకామడేషన్‌ కారవాన్‌లో అగ్ని ప్రమాదం చోటు చేసుకుంది. అయితే ఎవరికీ ఎలాంటి గాయాలూ కాకుండా ఈ ప్రమాదం నుంచి తప్పించుకోవడంతో అంతా ఊపిరి పీల్చుకున్నారు. పబ్లిక్‌ అథారిటీ ఫర్‌ సివిల్‌ డిఫెన్స్‌ అండ్‌ అంబులెన్స్‌ (పిఎసిడిఎ) ఈ ఘటనను ధృవీకరించింది. సమాచారం అందగానే పిఎసిడిఎ ఫైర్‌ ఫైటర్స్‌ సంఘటనా స్థలానికి చేరుకుని మంటల్ని ఆర్పివేసినట్లు అధికారులు పేర్కొన్నారు. బౌషర్‌ సివిల్‌ డిఫెన్స్‌ సెంటర్‌ నుంచి ఫైర్‌ ఫైటర్స్‌ సంఘటనా స్థలానికి వెళ్ళి సహాయక చర్యలు ముమ్మరం చేశారు.విలాయత్‌ ఆఫ్‌ బౌషెర్‌లోని అల్‌ మునా ప్రాంతంలో ఈ ప్రమాదం చోటు చేసుకుంది. ఎస్టాబ్లిష్‌మెంట్స్‌ ఓనర్లు, కాంట్రాక్టర్స్‌ తగిన జాగ్రత్తలు తీసుకోవాల్సి వుంటుందనీ, అగ్ని ప్రమాదం సంభవించకుండా అప్రమత్తంగా వుండాలని పిఎసిడిఎ పేర్కొంది. సివిల్‌ ప్రొటెక్షన్‌ డిపార్ట్‌మెంట్‌ సూచించే సేఫ్టీ రిక్వైర్‌మెంట్స్‌ని ప్రతి ఒక్కరూ పాటించాలి.