భారత అంతరిక్ష ప్రయోగ కేంద్రమైన సతీష్‌ధావన్ స్పేస్ సెంటర్ (షార్‌)లోని మొదటి ప్రయోగ వేదిక నుంచి పిఎస్ఎల్‌వి -సి 42 ప్రయోగానికి శాస్త్రవేత్తలు సర్వం సిద్ధం చేశారు. కాగా శనివారం మధ్యాహ్నం 1.07 గంటలకు రాకెట్ ప్రయోగానికి కౌంట్ డౌన్ ప్రారంభమైంది. రిహార్సల్‌, వివిధ తనిఖీలు చేపట్టిన అనంతరం కౌంట్ డౌన్ ప్రారంభించారు. 33 గంటల అనంతరం ఆదివారం రాత్రి 10.07 గంటలకు పిఎస్ఎల్‌వి -42ను వాహక నౌక నింగిలోకి తీసుకెళ్లనుంది. యుకెకు చెందిన 450 కిలోల బరువున్న నోవాసర్‌, ఎస్ 1-4 ఉపగ్రహాలను కక్ష్యలోకి ప్రవేశపెట్టనున్నారు. షార్ డైరెక్టర్‌గా బాధ్యతలు చేపట్టిన తర్వాత ఎస్‌.పాండ్యన్‌కు ఇది మొదటి ప్రయోగం.