నార్త్‌ బతినాలోని విలాయత్‌ ఆఫ్‌ లివా నుంచి అదృశ్యమయిన మహిళను సలాలాలో గుర్తించారు. హలిమా హస్సాన్‌ అల్‌ షామ్సి, నాలుగు రోజుల క్రితం అదృశ్యం కావడంతో ఆమె తల్లిదండ్రులు తమ కుమార్తె ఆచూకీ కోసం పోలీసులను ఆశ్రయించారు. గాలింపు చర్యలు చేపట్టిన పోలీసులు, ఆమెను సలాలో కనుగొన్నారు. హలిమా హస్సాన్‌ క్షేమంగా, ఆరోగ్యంగానే వున్నట్లు రాయల్‌ ఒమన్‌ పోలీస్‌, ఆన్‌లైన్‌లో విడుదల చేసిన స్టేట్‌మెంట్‌లో పేర్కొనడం జరిగింది. ఆమెను, ఆమె తల్లిదండ్రులకు అప్పగించేందుకు ప్రయత్నాలు చేస్తున్నట్లు పోలీసులు తెలిపారు. గురువారం ఉదయం హలీమా ఇంట్లోంచి వెళ్ళిపోయినట్లు ఆమె తండ్రి పోలీసులకు ఫిర్యాదు చేశారు.