దుబాయ్‌ పోలీస్‌కి సంబంధించి 4,910 మంది ఆఫీసర్స్‌, నాన్‌ కమిషన్డ్‌ ఆఫీసర్స్‌ మెంబర్స్‌ ఆఫ్‌ స్టాఫ్‌ని ప్రమోట్‌ చేస్తూ నిర్ణయం తీసుకున్నారు యూఏఈ ప్రైమ్‌ మినిస్టర్‌, వైస్‌ ప్రెసిడెంట్‌, దుబాయ్‌ రూలర్‌ షేక్‌ మొహమ్మద్‌ బిన్‌ రషీద్‌ అల్‌ మక్తౌమ్‌. ఈ నేపథ్యంలో దుబాయ్‌ పోలీస్‌ కమాండర్‌ ఇన్‌ చీఫ్‌ మేజర్‌ జనరల్‌ అబ్దుల్లా ఖలీఫా, షేక్‌ మొహమ్మద్‌ నిర్ణయం పట్ల హర్షం వ్యక్తం చేశారు. ఈ నిర్ణయం పోలీస్‌ శాఖకు కొత్త ఉత్సాహం ఇస్తుందని ఆయన అభిప్రాయపడ్డారు. ఐదుగురు అధికారులకు మేజర్‌ జనరల్‌గా, 13 మందికి బ్రిగేడియర్‌గా, 41 మందికి కల్నల్‌గా, 33 మందికి కమాండర్స్‌గా, 40 మందికి లెఫ్టినెంట్‌గా, 4241 మందికి నాన్‌ కమిషన్డ్‌ అధికారులుగా ప్రమోట్‌ చేస్తూ నిర్ణయం వెలువడింది.