బహ్రెయిన్‌:ప్రొటెక్టింగ్‌ ఇంటలెక్చువల్‌ ప్రాపర్టీ ఆఫ్‌ ఇట్స్‌ పీపుల్‌ విభాగంలో బహ్రెయిన్‌ ప్రపంచ స్థాయిలో వెనుకబడింది. జిసిసి దేశాల్లోనూ బహ్రెయిన్‌ పరిస్థితి ఏమంత గొప్పగా లేదు. 2018 సంవత్సరానికి సంబంధించి ఇంటలెక్చువల్‌ ప్రాపర్టీ రైట్స్‌ ఇండెక్స్‌లో బహ్రెయిన్‌కి 45వ స్థానం దక్కింది. జిసిసి దేశాల్లో ఒమన్‌, సౌదీ అరేబియా, ఖతార్‌ - బహ్రెయిన్‌ కంటే ముందున్నాయి. కువైట్‌ మాత్రమే, బహ్రెయిన్‌ కంటే వెనుక వరుసలో నిలబడింది. బహ్రెయిన్‌ గత ఏడాది 42వ స్థానం దక్కించుకోగా, ఈ సారి 45వ స్థానానికి పడిపోయింది. ఎకనమిస్ట్‌ అమ్మార్‌ అవాచి ఈ అంశంపై మాట్లాడుతూ, బహ్రెయిన్‌ కింగ్‌డమ్‌ ఈ ర్యాంకింగ్‌లో వెనుకబడటానికి అనేక కారణాలున్నాయనీ, బహ్రెయిన్‌ ఎకో సిస్టమ్‌ సమా పలు అంశాలు ఈ ఇండెక్స్‌ విషయంలో బహ్రెయిన్‌పై ప్రభావం చూపాయని అభిప్రాయపడ్డారు.