త్వరలో సినీ నటుడు వెంకటేష్ ఇంట్లో పెళ్లి బాజాలు మోగనున్నాయి. ఆయన కూతురు అశ్రిత వివాహం హైదరాబాద్ రేస్ క్లబ్ చైర్మన్ సురేందర్ రెడ్డి మనవడు (మాజీ ముఖ్యమంత్రి కిరణ్ కుమార్ రెడ్డి స్నేహితుడు రఘురామిరెడ్డి కొడుకు)తో ఆమె వివాహం జరగనున్నట్లు తెలుస్తోంది. అయితే వీరిద్దరూ గత కొన్ని రోజులుగా ప్రేమించుకున్నట్లు తెలుస్తోంది. వీరి ప్రేమని ఆమోదించి వివాహానికి కుటుంబసభ్యులు గ్రీన్ సిగ్నల్ ఇచ్చినట్లు సమాచారం.

ఇప్పటికే అబ్బాయి కుటుంబంతో వివాహానికి సంబంధించి అన్నయ్య సురేష్ బాబు సంప్రదింపులు జరిపారనే వార్తలు వినిపిస్తున్నాయి. ప్రస్తుతం వెంకటేశ్ ఎఫ్‌2 సినిమా షూటింగ్ కోసం విదేశాల్లో ఉన్నారు. ఆయన వచ్చిన తరువాత అశ్రిత నిశ్చితార్థ వేడుకలు నిర్వహించనున్నట్లు తెలుస్తోంది. 2019 మార్చిలో వివాహం జరపాలనుకుంటున్నట్లు సమాచారం. అశ్రిత ఫారిన్‌లో బేకరీకి సంబంధించిన కోర్సు చేసింది. ‘ఇన్ఫినిటీ ప్లేటర్‌’ పేరుతో నగరంలో స్టాల్స్ నిర్వహిస్తోంది.