సంప్రదాయాలకు, కట్టుబాట్లకు పూర్తిగా విలువనిచ్చే సౌదీఅరెబియాలో తొలిసారిగా ఓ మహిళా న్యూస్ రీడర్ ఎంపికయ్యారు. వీమ్ అల్ దఖీల్ అనే మహిళా జర్నలిస్టును దేశంలోనే తొలిసారిగా స్క్రీన్ మీద వార్తలు చెప్పే న్యూస్ రీడర్ పోస్టుకు ఎంపిక చేశారు. ప్రభుత్వ ఆధ్వర్యంలో నడిచే అల్ సౌదియాటీవీలో తొలిసారిగా మహిళా రీడర్ ప్రత్యక్షమవడంతో అంతా ప్రత్యేకంగా చెప్పుకున్నారు. తొలిరోజే ప్రైమ్ టైమ్ బులెటిన్ ను చదివారు. ఆమె ఇంతకుముందు వివిధ చానళ్లకు రిపోర్టర్ గా పనిచేయడం విశేషం. ఆమెతో పాటు ఓ మేల్ యాంకర్ కూడా స్క్రీన్ మీద కనిపించారు.