మెర్సల్ సినిమా గుర్తుందా? అర్జున్‌రెడ్డి సినిమా విడుదలకు ముందే ఎంత సంచలనాన్ని సృష్టించిందో మెర్సల్ కూడా అంతే సంచలనాన్ని సృష్టించింది. జీఎస్టీపై కొన్ని డైలాగ్స్ అభ్యంతరకరంగా ఉన్నాయని అవి బీజేపీకి వ్యతిరేక ఫలితాలనిస్తాయని భావించిన నేతలు చాలా కాంట్రవర్శీ చేశారు. విడుదలను కూడా కొద్ది రోజులు అడ్డుకున్నారు.

ఎంత సంచలనమైతే అంత సక్సెస్ అన్నట్టుగా ఈ సినిమా బ్లాక్ బస్టర్‌ను తన ఖాతాలో వేసుకుంది. బాక్సాఫీస్ వద్ద దుమ్ము రేపింది. అటు కోలీవుడ్, ఇటు టాలీవుడ్ రెండు చోట్లా ఈ సినిమా అద్భుత విజయాన్ని సొంతం చేసుకుంది. ఈ సినిమా హీరో ఇళయదళపతి విజయ్ నటనకు విమర్శకుల ఓట్లు కూడా పడిపోయాయి. అయితే విజయ్ మరో అరుదైన గౌరవాన్ని సొంతం చేసుకున్నాడు. ఇంటర్నేషనల్ అచీవ్‌మెంట్ రికగ్నేషన్ అవార్డును సొంతం చేసుకున్నాడు.