యూఏఈ:యూఏఈకి చెందిన టెలికాం కంపెనీ ఎటిసలాట్‌, సోమవారం 'ఇ లైఫ్‌ అన్‌లిమిటెడ్‌' పేరుతో కొత్త ప్లాన్స్‌ని విడుదల చేసింది. టీవీ కనెక్ట్‌, అలాగే స్పీడ్‌ ఇంటర్నెట్‌ సర్వీసులు ఈ ఆఫర్‌పై అతి తక్కువ ధరలకే లభిస్తాయి. 50 ఎంబీపీఎస్‌ వేగంతో బేసిక్‌ బండిల్‌ 'స్టార్టర్‌'ని, అలాగే 1 జిబిపెస్‌తో ప్రీమియమ్‌ 1 జి ప్యాకేజ్‌ని అందుబాటులోకి తెచ్చింది ఎటిసలాట్‌.ఎటిసలాట్‌ చీఫ్‌ కన్స్యుమర్‌ ఆఫీసర్‌ ఖాలెద్‌ ఎల్‌ఖౌలీ మాట్లాడుతూ, కొత్త ప్యాకేజీలు అందరికీ అందుబాటులో వుంటాయని అన్నారు. 4కె ఛానెల్స్‌ ఈజీ యాక్సెస్‌ అలాగే వీడియో ఆన్‌ డిమాండ్‌ వంటి ప్రత్యేకతలు ఈ ప్రత్యేక ప్యాకేజీతో మరింత సులభతరమవుతాయి. రెగ్యులర్‌ ధర 40 దిర్హామ్‌లతో పోల్చితే, మినీ ప్యాక్‌ 75 శాతం డిస్కౌంట్‌తో అంటే 10 దిర్హామ్‌లకే అందుతుంది. అలాగే ఎటిసలాట్‌ కమిట్‌మెంట్‌ ఫ్రీ ఆప్షన్‌ ద్వారా 20 దిర్హామ్‌లకే మినిమమ్‌ కమిట్‌మెంట్‌ పీరియడ్‌ లేకుండా సేవలు అందిస్తుంది.