విమానాల్లో ప్రయాణించే వారు ద్రవ పదార్థాలు సైతం తీసుకెళ్లే అవకాశాన్ని పౌర విమానయానశాఖ కల్పించనుంది. నీళ్లు, షాంపూలు, టానిక్‌లు వంటి మండే స్వభావం లేని ద్రవ పదార్థాలను 100 మిల్లీ లీటర్ల వరకూ హ్యండ్‌ లగేజీతో పాటు అనుమతించనున్నారు. ద్రవ పదార్థాలను అనుమతించేటప్పుడు అవి ఎంత మేర పేలుడు స్వభావం కలిగి ఉన్నాయో తేల్చేందుకు ప్రత్యేక డిటెక్టర్లను ఉపయోగించనున్నట్లు అధికారులు తెలిపారు. అయితే ఎప్పటి నుంచి అమల్లోకి వస్తుందనే అంశంపై ఇంకా స్పష్టత లేదని సంబంధిత అధికారి ఒకరు వెల్లడించారు.