మనామా:వరల్డ్‌ సేఫెస్ట్‌ సిటీస్‌ ఇండెక్స్‌లో మనామా మెరుగైన ర్యాంక్‌ని దక్కించుకుంది. మొత్తం 338 నగరాలు ఈ లిస్ట్‌లో చోటు కోసం పోటీ పడ్డాయి. మనామా 56వ స్థానం దక్కించుకుంది. మొదటి స్థానం 88 కాగా, మనామా ఇండెక్స్‌ 72. యూఏఈకి చెందిన అబుదాబీ సేఫెస్ట్‌ సిటీ కేటగిరీలో తొలి స్థానం దక్కించుకుంది. యూఏఈకే చెందిన దుబాయ్‌ 11వ స్థానం సొంతం చేసుకుంది. దోహా, ఒసాకా, సింగపూర్‌, బాజెల్‌, క్యుబెక్‌ సిటీ, టోక్యో, బెర్న్‌, మ్యునిచ్‌, ఇర్విన్‌ టాప్‌లో టెన్‌లో చోటు దక్కించుకున్న మిగతా నగరాలు. హోండురాస్‌లోని సాన్‌ పెడ్రో సులా ఈ ఇండెక్స్‌లో ఆఖరి స్థానం దక్కించుకుంది. అయితే గత మూడేళ్ళలో మనామాలో క్రైమ్‌ రేట్‌ పెరుగుతుండడం ఆందోళన కలిగించే అంశం. కరప్షన్‌ బ్రైబరీ విభాగాల్లో మనామా 'మోడరేట్‌' స్థానం దక్కించుకుంది. లెవల్‌ ఆఫ్‌ క్రైమ్స్‌లో లో రిస్క్‌, కార్ల దొంగతనాల్లో వెరీ లో విభాగాల్లో మనామా చోటు దక్కించుకుంది.